Siamajori: pitànzias de sa tradizioni e música in sa "Sagra del Carciofo"

(IlMinuto) – Casteddu, 9 de su mes''e marzu - Atastus de is pitànzias de sa tradizioni, momentus de istudiu e música tradizionali. Funt custus is ingredientis de sa "Sagra del Carciofo" de Siamajori in programma su 13 e su 14 de su mes''e marzu. S'apuntamentu, chi de su 1992 si tenit dogn'annu cun d'una fortuna sempiri prus manna, bollit essi po is aprontadoris "su cominzu po torrai a fai imbolai su cultivu de sa canciofa, in pagus fueddus s'eventu no bollit essi scéti unu momentu simpli aundi si penzat scéti a sa cos''e papai".
Is duas diris s'ant a oberri sàbudu a merì cun su cunvegnu chi tenit comenti tema "Analisi sensoriale del carciofo spinoso di Sardegna" (17.00 apusentus Laore de s'Area Sinis) e at a sighiri domìnigu a mangianu cun s'obertura de is stand enogastronomicus in is istradas e in is prazzas de sa bidda, is atastus de su mandiari fattu cun canciofa e cun s'ispetaculu de su grupu de Cossu, Fais e Pitzalis.

Po ndi sciri de prus: www.siamaggiore.com