Precariau: de sa Regioni ses millionis po sa cunfirma de is traballantis precarius in Entis de su territoriu

(IlMinuto) – Casteddu, 29 de su mes''e marzu - Si podit cumenzai sa cunfirma de is traballantis in is Entis de su territoriu. Sa Giunta regionali at difatis aprovau una delíbbera chi donat a is provìnzias ses millionis de eurus po cunfirmai su traballu seguru po is traballantis  precarius de is Entis de su territoriu. Su pragoni at adotau is critérius po sa sparzidura de su dinai giai istabbiliu de sa "Conferenza Permanente Regione Enti locali". A is ses millionis de sa Regioni ant a depi essi aciuntus puru aterus ses millionis, a carrigu de is Comunus e de is Provìnzias.
"Cun su pragoni aprovau de sa Regioni - si podit ligiri in d'una nota - s'est donada una primu arrespusta a is dimandas chi funt arribbadas de is comunus cun su fini de permítiri a is ammintrazionis de su territoriu de cunfirmai is precarius su primu possíbbili".
A sa Provìnzia de Casteddu funti stetius donaus in totu casi  1.558.000 po cunfirmai is próprius traballantis. Su comunu de Casteddu no aparessit in sa tabella de sa sparzidura.