Is piscadoris de arrizonis bincint sa batalla: ant a podi sighiri a piscai finzas a su 3 de su mes''e maju

(IlMinuto) – Casteddu, 10 de su marzu - S'atividadi de is piscadoris de arrizonis in Sardigna at a sighiri finzas a su 3 de su mes''e maju. Est cantu at istabbiliu su Comitau ténnicu regionali riuniu ariseru in Casteddu, aghillendi s'apellu de is traballantis de sa pisca, chi lùnis a mangianu iant blocau s'intrada de su portu de Casteddu cun is bateus insoru.
"Sa pròroga - at precisau s'assessori regionali de s'"Agricoltura" Andrea Prato - no furiat mai stetia pedia ni de sa Regioni ni de is associazionis
de categoria. Si fessat stetiu fattu primu, ndi aus fueddau primu. A dognia modu no est ispostendi de unu mesi is términus chi s'agiustant is chistionis".