Nucleari: puru s'Irs at a susteniri su referendum promòviu de Sardigna Natzione

(IlMinuto) - Casteddu, 10 de su mes''e marzu - "Una Sardigna líbbera de is zerachias nuclearis est una condizioni necessària po costruiri unu futuru indipendenti e de benèsseri po totus is sadrus". Est cantu narat cun d'una nota su movimentu indipendentista de s'Irs.
"Cunsideraus duncas cun faori - si podit lígiri in d'una nota - s'arregorta de firmas po unu referendum contra a su nucleari fatta de Sardigna Natzione Indipendentzia". Su 9 de su mes''e fiàrgiu su movimentu de Bustianu Cumpostu iat difatis presentau 17milla firmas cun sa dimanda po su referendum regionali chi narat: "Ses cuntràriu a ponni centralis nuclearis in Sardigna e votas contra a is depositus de ferrinas?".
"No neghendi is  diferénzias politicas e de programma chi ci divint - narat s'Irs - pensaus ca siat giustu assegurai sa presenzia de su movimentu nostru po fai arrenèsciri custu referendum"