"La settimana del cervello": a cínema po iscobèrriri is mistérius de sa conca

(IlMinuto) - Casteddu, 15 de su mes''e marzu - Is mistérius de sa conca de is cristianus, su géniu e is maladias de s'arremu prus imbusticàu. Ant essi custus is argumentus de sa "Settimana del cervello", sa rassigna de cínema aprontada de su "Dipartimento di Neuroscienze" de Casteddu "Bernard B. Brodie" in sa Domu de s'Istudianti de via Trentino, in Casteddu.
In su cineteatru Nanny Loy ant essi ammostaus, sempiri a is 20.00,  "La seconda ombra"(19 de su mes''e marzu), "Buon compleanno Mr. Grape" (23 de su mes''e marzu) e "A beautiful mind" (26 de su mes''e marzu).
Sa "Settimana del cervello" at essi presentada cun sa relata de Gian Luigi Gessa, su capu mannu de su "Dipartimento di Neuroscienze" de s'Universidadi de Casteddu, chi cun sa guida de Gessa est arribbau bintitreesimu in sa classífica de su mundu fatta po is istitutus de is istudius aplicais a is mexinas. (fonti:  It.wikipedia.org).