Elezionis: is candidaus de Irs po sa presidénzia de is provìnzias. "Nos seus sa terza forza tra is duas alleànzias"

(IlMinuto) – Casteddu, 30 de su mes''e marzu - S'Irs partit in Pole Position. Ancora primu de si sciri sa data de is elezionis su movimentu indipendentista at presentau - sàbudu passau in d'una cuferénzia - is próprius otu candidaus a sa presidénzia de is provìnzias sadras. Funt Sebastian Madau (Aristanis), Gabriele Littera (Campidanu de Mesu), Ornella Demuru (Casteddu), Gian Maria Bellu (Gallùra), Bobore Bussa (Nùgoro), Nicola Cantalupo (Ogiastra), Giovannino Sedda (Surcis) e Gavino Sale (Tàtari). In ocasioni de is elezionis amministrativas chi benint - est nau in d'una nota - "Irs si candidat a essi sa terza forza política de sa Sardigna, sa bera realidadi difarenti si castiaus a is duus polus de centrudestra e de centrusinistra".