Cirras: domìnigu pichetada de Sardigna Natzione po nai no a su nucleari. Grupu Facebook: "Comenzaus is istudius in s'area"

(IlMinuto) – Casteddu, 3 de su mes''e marzu - Sardigna Natzione sighit sa batalla contra a su nucleari in s'Isola. Sa scuadra politica indipendentista at aprontau po domìnigu a mangianu un'atóbiu cun"pichetada" in Cirras, frazioni de Santa Justa in provìnzia de Aristanis. Unu logu chi boxis nemerosas e suprias donant  tra is "candidaus" a aghilliri una centrali nucleari noa. "Cun custa manifestazioni - si podit ligiri in d'una nota de Sni - si bollit donai unu signu forti de soverania e si bollit aclarai ca solitantu is sadrus podint decidi po su territoriu insoru e ca scéti cussus podint decidi de una chistioni de grandu importànzia comenti cussa de su nucleari. Iaus a stai impari, iaus a portai pani, casu, obia, salúminis e sa realia nostra a su carròzoni nucleari". Contra a su fàbbricu de una centrali atómica in Sardigna, e cun sa precisioni in Cirras, s'est móviu de calincuna cida unu grupu Facebook ("Diciamo no al nucleare in Sardegna. A Cirras stanno gia lavorando"), chi a oi at arregortu casi 1300 amigus.
"Unu grupu - ispiegant is promotoris de sa cosa in su popolari social network - po nai e po ammostai cun is fattus ca sa Sardigna narat no a su nucleari. In Cirras, unu de is logus 'candidaus' a aghilliri una centrali, funt giai faendi is anàlisi, dirigias de s'azienda GeoTec (azienda esperta in istudius de geologia e de territoriu, ndr)".

Po ndi sciri de prus:

http://www.ilminuto.info/archivi.php?tipo=argomenti&argomento=nucleare