Acórdiu in matéria de "ammortizzatori sociali". Cgil, Cisl e Uil: "Is impignus si depint mantenni intru seti diris"

(IlMinuto) – Casteddu, 2 de su mes''e marzu - "S'acórdiu cuadru po is politicas de su Traballu firmau ariseru est unu primu passu po fai in modu ca sa gestioni de is misuras po sa cass''e integrazioni in deroga e po sa mobilidadi siat prus razionali e prus lestra, e po aviai puru is politicas po torrai a pigai sa genti a traballai". Est custu su cummentu de Marinora Di Biase po sa Cgil, Giovanni Matta po sa Cisl, Elisabetta Sorgia po sa Uil a pustis de sa firma de s'intesa po is "ammortizzatori sociali" chi interessat circa 8-11milla traballantis sadrus, cun d'unu assignamentu totali de 50 millionis de eurus. Is sindacalistas ant precisau ca "is impignus pigaus custu mangianu depint essi fattus, intru seti diris, atressu un'intesa po sa reali erogazioni de is 'ammortizzatori sociali' a totus is traballantis interessaus".
Positivu su giudíziu de is sindacaus confederalis po su bonus mensili de sa durada de un'annu, vinculau a is caminus de imparu e a s'insertamentu in su mundu 'e su traballu.