Vertenza Alcoa: atóbiu nou in Roma: Aprovau su decretu "Energia"

(IlMinuto) - Casteddu, 25 de su mes''e fiàrgiu - Mancant pagus oras po arribbai a cussu chi forsis at essi deaderus su momentu finali po sa vertenza Alcoa. Custumerì a is 20.00 su Guvernu at a biri un'atera borta is capus mannus de sa multinazionalu de s'America. In sa mesa de Palazzo Chigi su Guvernu at a podi ammostai su decretu "Energia" aprovau ariseru de su totu su Senau. Su decretu, chi arrespetat is abbisòngius de s'azienda po is prézius de s'energia, no at perou ancora otentu su permissu de s'Unioni Europea. Ma no est totu, poita in custu momentu s'azienda parrit ca no apat ancora presentau sa dimanda po participai a su bandu Terna - chi scadit oi a is 15.00 - po su blocu de sa fornidura de s'energia, condizioni nezessària po podi otèniri is iscontus de is arranzelus.