Traballu: s'Universidadi de Casteddu assumirit 22 cococo

(IlMinuto) - Casteddu, 19 de su mes''e fiàrgiu - Traballus nous po s'Universidadi de Casteddu. In is diris passadas, difatis, esti stetiu pubblicau unu bandu po pigai 22 laureaus - duus po facultadi - chi ant essi impignaus po s'orientamentu e s'agiudu e puru po s'assistu a is présidis e a is "manager" de s'Universidadi.
Is personas chi ant essi sceberadas - laureadas de no prus de duus annus cun laurea "specialistica", "magistrale" o de s'ordinamentu béciu - ant essi pigadas po cincu mesis cun d'unu cuntratu de "collaborazione coordinata e continuativa". Is dimandas ant a depi arribbai a s'ufíciu "concorsi e assunzioni" de s'Universidadi de Casteddu intru is 13.00 de su 3 de su mes''e marzu.

Liggi su bandu:
http://www.unica.it/concorsi/UserFiles/File/Non_Doc/bandi/assistenti%20presidi/BANDO%20ASSISTENTI%20PRESIDI(1).pdf