"Siamo tutti clandestini". Sa Sardigna "antirazzista" in prazza cun is traballantis de su Senegal. In 500 po sa manifestazioni de sàbudu in Casteddu

(IlMinuto) - Casteddu, 8 de su mes''e fiàrgiu - Sa cittadi de Casteddu chi narat no a su razzismu est bia. A pagus cidas de s'úrtimu atóbiu funti stetias asumancu 500 is personas chi ant addiriu a sa manifestazioni de sa "Rete Antirazzista". Po sa manifestazioni ant participau circa 100 traballantis senegalesus, chi ant pediu arrispetu e dinunziau is medas azóchius fattus de is forzas de s'ordini in is domus insoru po circai is "furesteris". "Siamo tutti clandestini" esti stetiu su "slogan" zerriau a s'essida de su corteu in prazza Carmine de parti de totus cussus chi ant participau a sa manifestazioni. Ddoi furiant is banderas de is anarchicus, su manifestu de su Cagliari Social Forum, is faccis de s'Associazioni Sardegna Palestina e cussas de is militantis de sa sinistra anticapitalista, de su Prc a Sinistra Critica, de su Pcl a su Pdac. Sa manifestazioni est passada in via Roma, largu Carlo Felice e via Manno, cun una firmada de protesta in via Regina Elena a facc''e sa sedi de "L'Unione Sarda". Sa manifestazioni - animada de ballus e cantus - est finia in prazza Repubblica, a facc''e su tribbunali, aundi si funt tentus is discursus. "Fineidda con is isbarazzus - at nau unu de is traballantis senegalesus - nosu bolleus fai manna s'Italia e seus una richesa po custa nazioni". (Ringraziaus Alessandro Cuccu po sa collaborazioni).