Sa Camera pedit a su Guvernu de firmai sa béndida a s'asta de is aziendas de sa massaria sadra chi tenint dépidus
(IlMinuto) - Casteddu, 26 de su mes''e fiàrgiu - Su Guvernu at a depi firmai sa béndida a s'asta de is aziendas de sa massaria sadra chi tenint dépidus po mori de sa lei 44 de su 1988 finzas a sa fini de is traballus de sa Commissioni de inchiesta. Est cantu previdit un'odg aprobau de sa Camera a pustis de una proposta de unu grupu de parlamentaris sadrus de centrudestra e centrusinistra. Su testu "impignat su Guvernu a agatai una soluzioni definitiva po sa chistioni, proroghendi is impreus de sa Commissioni de inchiesta e blochendi is prozedimentus chi est faendi sa giustizia". Segundu is númerus chi est frunendi s'associazioni Altragricoltura, in s'Isola funt ancora prus de 300 is aziendas chi arriscant de essi béndias a s'asta.
Sa Commissioni de inchiesta, chi esti stetia creada cun sa Finanziaria 2007 cun s'iscopu de "presentai a su Presidenti de su Consillu is propostas po saldai is dèpidus fattus a pustis de sa lei 44/1988", iat cumenzau is traballus scéti a sa fin''e su mes''e làmpadas de su 2009, po decadessi a fin''e su mes''e argiòlas de cuss'annu 'e totu.
Sa Commissioni de inchiesta, chi esti stetia creada cun sa Finanziaria 2007 cun s'iscopu de "presentai a su Presidenti de su Consillu is propostas po saldai is dèpidus fattus a pustis de sa lei 44/1988", iat cumenzau is traballus scéti a sa fin''e su mes''e làmpadas de su 2009, po decadessi a fin''e su mes''e argiòlas de cuss'annu 'e totu.
Po aprofundai:
© RIPRODUZIONE RISERVATA