Ryanair si ndi andat de S'Alighera. Irs: "Unu pianu generali po is trasportus sadrus"

(IlMinuto) – Casteddu, 25 de su mes''e fiàrgiu - "Ryanair si ndi andat. Sa Sardigna abarrat in terra". Aici s'Irs cummentat sa decisioni de s'azienda irlandesa de suspèndiri otu bolus low cost de s'aeroportu de S'Alighera a partiri de 29 de su mes''e arbili.
"Sa chistioni de is collegamentus aereus - precisat su movimentu indipendentista - no dipendit de su territoriu e no est nemmancu de orígini 'privatistica'.
No est un'acuntéssia chi podit finiri in d'una controvérsia tra s'enti gestori de s'aereoportu e s'azienda irlandesa".
"Est essenziali - concluit Irs - ca sa Sardigna fazzat unu pianu generali po is trasportus chi risolvat sa chistioni tra is infrastruturas, chi su prus de is bortas no ddoi funt, sa programmazioni e is politicas po su turismu. Est necessàriu creai unu collegamentu virtuosu tra is areoportus internazionalis chi esistint in Sardigna e s'economia de su logu, senz''e tenni ateras formas de cuncurrénzia assurdas e noxilis".