Rinviu nou po sa "vertenza Alcoa". In Portovesmi e Fusina sighit sa produzioni

(IlMinuto) - Casteddu, 12 de su mes''e fiàrgiu - Rinviu nou po sa "vertenza Alcoa". In s'atóbiu de ariseru in Palazzo Chigi su Guvernu at pediu ateras dexi diris de tempus "po aprofundai - si podit liggiri in d'unu comunicau - is elementus tennicus chi funt benius a foras de s'atóbiu chi sa presidenzia de su Consillu est portendi innantis cun s'Alcoa e in sedi europea". Si su 22 de su mes''e fiàrgiu dd'at essi un'ateru atóbiu, in su trastempus su Guvernu isperat de otèniri su permissu de parti de sa Commissioni europea po is tarifas agiudadas po is industrias de s'"energia". Abetendi cantu at a istabbilíri Bruxelles sa multinazionali de s'allumíniu at blocau sa cassa integrazioni: is operàjus de Portovesmi e Fusina ant a sighiri a produsiri po ateras dexi diris.