Italia Nostra: "Su Galsi no arrespetat sa Sardigna e no tenit contu de su 'Piano paesaggistico'"

(IlMinuto) – Casteddu, 25 de su mes''e fiàrgiu - "Su metanodotu chi at a trasportai su gas de s'Algeria atressu sa Sardigna, at a podi tenni un'efetu senz''e torrada po s'ambienti, prusatotu in is areas interessadas de su disignu (in terra e in mari), po is benis archeológicu-ambientalis, po is oasis de defensa de is animalis e at a podi tenni un'efetu negativu puru po sa massaria". Est cantu afirmat cun d'una nota Italia Nostra. S'associazioni ambientalista retennit necessària una totali modífica de su disignu de su gasdotu.
"Su Consillu regionali de Italia Nostra - si podit liggiri in sa nota - at mandau unus cantu annotus a su Ministeru de s'"Ambiente" e a sa Regioni Sardigna pedendi fortis e importantis modíficas a su progetu, cundizioni necessària po fai in modu ca su metanodotu Galsi reppresentit una bera ocasioni economicu-ambientali po sa Sardigna e no un'ateru elementu de sciasciu de su giai cumpromítiu territoriu de s'Isola".
Segundu Italia Nostra "Is modus de fai s'òpera no arrespetant su 'Piano paesaggistico' regionali chi agiudat sa costruzioni de is infrastruturas in is areas prus pagu bellas".