"Denuclearizzai" sa Sardigna: in Consillu sa proposta de lei de su centrusinistra

(IlMinuto) - Casteddu, 9 de su mes''e fiàrgiu - "Sa Regioni Sardigna (...) decrarat su territoriu regionali (...) territoriu 'denuclearizzau' e serrau a facc''e s'intrada de is centralis nuclearis, de is depósitus po matiri is arrefudus nuclearis e de s'atraessamentu (...) de arrefudus nuclearis". Est cantu narat s'artìculu 1 de sa proposta de lei  - sa primu firma est cussa de Giampaolo Deiana - presentada in Consillu regionali de is rappresentantis de su centrusinistra in via Roma. Cun custu testu is promotoris bollint, cun d'una lei regionali e cun sa forza de su statutu, serrai s'istrada a sa costruzioni de is centralis nuclearis e de is depósitus de ferrinas radiottivas. "Su Statutu de sa Sardigna - si podit liggiri in d'una nota - donat cumpeténzia ùnica po s''urbanistica' e custa cumpeténzia cumprendit (...) sa salvaguardia de sa terra e sa defensa de s'ambienti". In su mes''e cabudanni passau su Consillu regionali de sa Sardigna iat aprovau a s'unanimidadi un'odg, un'"arrefudu senz''e cundizionis" po sa presénzia de su nucleari in Sardigna.