Dance World Cup Competition: in su mes''e argiolas Terranòa at a diventai sa capitali de su mundu po sa danza. Sàbudu e domìnigu dd'ant essi milla personas po is garas nazionalis

(IlMinuto) - Casteddu, 5 de su mes''e fiàrgiu - De su 6 a su 10 de su mes''e argiolas Terranòa at a diventai sa capitali de su mundu po sa danza. Sa cittadi galluresa at a aghilliri sa Dance World Cup Competition. Is garas - unu beru campionau de su mundu - ant essi anticipadas, su 6 e su 7 de su mes''e fiàrgiu, in su Geopalace-Geovillage de is garas po s'agiudicai is postus nazionalis, cun sa participazioni de circa milla personas tra baddarincus e acumpangiadoris. Scéti is primus in sa classífica po is diversas categorias ant a podi danzai po is finalis de su mes''e argiolas. "Sa danza - narat Mavi Cadeddu, chi at aprontau totu custu - est de sempiri una carta chi tocat a si giogai po circai possibbilidadis noas po su turismu de s'Isola nostra".