Agrualimentari. Prato: "Puntai a is energias alternativas"

(IlMinuto) – Casteddu, 2 de su mes''e fiàrgiu - "Tocat a s'agiudai po cumpètiri: comenti fai sa rezza de s'agrualimentari?". Esti stetiu custu su tema afrontau de is economistas, de is imprendidoris e de is politicus chi furiant presentis po sa VII edizioni de su Forum de s'Agrualimentari chi s'est tentu cida passada in Milanu Marittima. A is traballus ant participau puru s'assessori regionali de s'"Agricoltura", Andrea Prato. Segundu s'esponenti de sa Giunta Cappellacci, in Sardigna "is aziendas de is massajus ant a torrai a cumenzai a prodúsiri richesa sighendi is energias alternativas".