Travigu de is mercanzias Fs: Caligaris (Sdr), "Su bloccu est un'azioni illegali de Trenitalia. Sa Regioni no podit fai comenti si no fessat sussediu nudda"

(IlMinuto) - Casteddu, 8 de su mes''e gennargiu - "Nesciunu de is impignus pigaus cun sa Regioni Sardigna esti stetiu rispettau de Trenitalia, soziedadi de su gruppu "Ferrovie dello Stato", po garantiri su travigu de is mercanzias tra sa Sardigna e s'Italia. Seus a facc''e un'azioni illegali chi est faendi sciascius meda mannus po s'economia e po s'ambienti. Sa Regioni no podit fai comenti si no fessat sussediu nudda, candu sa Keller est arrischendi de serrai causendi su lissenziamentu de is traballantis". Ddu narat sa presidenti de s'associazioni "Socialismo Diritti Riforme" chi cuntrastat sa dimanda de archiviazioni de sa dinunzia fatta de cuss''e totu po "interrumpimentu de serbizio pubblicu", dimanda de archiviazioni fatta de is procuradoris Marco Cocco e Mario Marchetti. "In custu sensu si podit liggiri in d'una nota - at donau su mandau a su studiu de su professori Benedetto Ballero". "Pensu - narat s'ex consillera regionali socialista - ca siat nezzessariu unu supplementu de spricullittus. Ddu imponint is fattus: sa linea Civitavecchia-Figari esti stetia scancellada e una parti de is dipendentis de is "Ferrovie dello Stato" esti stetia traferia in continenti e un'atera parti est ancora in serbiziu in Sardigna senz''e fai nudda".