Tra figurantis e sonallas, Otzàna afestat Sant'Antoni
oscure forze della natura
hanno cambiato, da quel momento,
il mio modo di sentirmela,
la faccia, e ho capito,
da dietro quelle fessure di legno,
che il mondo è grottesco
visto dagli occhi del Minotauro.
E che solo la pietra nuragica
È in armonia con la natura delle cose.
…quelle del carnevale di Ottana
sono maschere straordinarie,
perché invece di travestirti da qualcos’altro
mettono a nudo la tua vera natura.
Sono maschere che ti smascherano,
liberando le tue pulsioni più recondite…”
(Vinicio Capossela)
(IlMinuto) – Casteddu, 16 de su mes''e gennargiu - Puru ocannnu, su 16 de su mes''e gennargiu, Otzàna at a afestai Sant'Antoni, cun d'unu foghidoni in prazza. Sa música de is sonallas, is màscaras nieddas e feas de is Merdules e is carazzas de is Boes ant a donai su cominzu a su Carnovali.
In Otzàna su Carnovali cumenzat a s'iscurgadroxiu de su 16 de su mes''e gennargiu, in ocasioni de sa festa de Sant'Antoni, candu in s'omónima prazza, a pustis de sa missa chi finit cun sa benedizioni de su foghidoni (su Ogulone) e sa processionedda a ingiriu a su fogu, is Boes e is Merdules faint sa primu aparéssida, sa primu essia: cun is màscaras de linna in sa faci s'ammostant magicamenti, comenti umbras de diora, bessendi de is strintógius de sa bidda, currendi e sartendi a su sonu de is sonallas, e arribbendi si ponint a ingiriu a su fogu. E a giru a giru danzant, donendi su cuminzu a unu de is Carnovalis prus bellus de sa Barbàgia. Est, custu, unu modu de s'ammostai, fattu àncora prus suggestivu de is luxis de su fogu in su nieddori de s'iscuriu.
Is iscenas arregordant sa vida in su satu, sighendi unu "canavàciu" tramandau de babbu in fillu, chi fueddat de personàggius, ruolus, e medas momentus de sa vida de sa massaria e de sa pastoria: de s'aradura a su seminìngiu, de s'arregorta a sa doma, de sa maladia a sa cura e a sa morti de is animabis.
Est sa diri aundi "S’Affuente", unu pratu de ràmini usau puru po is ritus de sa Cida Santa, diventat istrummentu musicali, chi batiu verticalmenti cun d'una crai meda manna donat su rítimu a su ballu tipicu de Otzàna, s'antigu "Ballu de s'Affuente".
(SP)