Stop a su Galsi: su Guvernu pedit una valutazioni noa de s'effettu de su gasdotto po s'ambienti. Arregortus is recursus de su Gig e de is "Amici della terra"

(IlMinuto) - Casteddu, 4 de su mes''e gennargiu - Su gasdotto Galsi "depit essi un'opportunidadi utili po sa Sardigna, no unu sciasciu de s'ambienti e de s'economia soziali. S'obertura noa de su procedimentu de Via est un'occasioni meda importanti e de no perdiri po fai in modu ca un'opera de interessi pubblicu siat diaderus utili". Est custu cussu chi ant nau is "Amici della Terra" e su "Gruppo di Intervento Giuridico" ananti a sa decisioni pigada de su "Ministero dell'Ambiente" de pediri ateras cosas a su progettu Galsi, pedendi puru un'atera "Valutazione di impatto ambientale (Via)". Cantu pediu est su resultau de is recursus fattus de is Amici della Terra e de su Gig cun s'agiudu - si podit liggiri in su Blog de su Gig - "de 160 ornitologus, naturalistas, professoris e istudiosus de s'Universidadi, fotografus e disignadoris, spertus in terras ùmidas". Is duas associazionis ambientalistas no funt contra a sa costruzioni de s'opera - unu metanodottu tra s'Algeria, sa Sardigna e sa Toscana - perou pedint de podi esaminai un'atera borta su percursu po podi tutelai s'ambienti.

Po ndi sciri de prus: www.gruppointerventogiuridico.blog.tiscali.it