Presonis: Caligaris (Sdr), garantias is lezionis in Buoncammino

(IlMinuto) – Casteddu, 22 de su mes''e gennargiu - "Importanti melloria in s'attividadi iscolastica in Buoncammino. S'iscola, costringia a funzionai pagu beni po mori de sa mancànzia de is Agentis de sa Polizia penitenziaria, at a fai is proprias lezionis dognia diri". Dd'afirmat Maria Grazia Caligaris, presidenti de s'"Associazione Socialismo Diritti Riforme", a pustis de ai tentu un'atóbiu, calicuna diri fait, cun is presoneris chi in is cidas passadas iant fattu presenti ca is lezionis no beniant fattas dognia diri. "Grazias a un'acódriu tra s'area 'educativo- comportamentale' e cussa de sa seguresa, is presoneris cumunus - spiegat Caligaris - ant a podi andai a is lezionis senza ca ddoi siant Agentis de sa Polizia penitenziaria. S'arrasutau otentu po sa primu borta in Sardigna est meda importanti, e esti stetiu otentu po mori de sa disponibilidadi de is Agentis in serbiziu in is diversas sezionis, chi ant a acumpangiai is 'istudiantis' in is classis e ant a andai a ddu su torrai a pigai a sa fini de is lezionis".