Iscola. "Coordinamento Precari" de Aristanis: "Fai unu fronti ùnicu po difendiri s'iscola pubblica"

(IlMinuto) - Casteddu, 28 de su mes''e gennargiu - "Fai unu fronti ùnicu cun is comunus, sa provìnzia, is traballantis de s'iscola e is sindacaus" po cuntrastai su sciasciu de s'iscola pubblica e po difendiri unu dirittu chi est garantiu de sa Costituzioni. Est cantu proponit su documentu approvau de su "Coordinamento Precari della Scuola" de Aristanis in s'assembrea plenaria de su 25 de su mes''e gennargiu. "S'iscola pubblica - si podit liggiri in su documentu - considerada una cosittedda de pagu contu e dannosa po is bilànciuas de su stadu, est diventendi a pagu a pagu ma neccessariamenti unu modu cun su cali is privaus ant a podi fai dinai". Is númerus Ocse esaminaus de su Comitau fun meda clarus. Si in is annus Settanta su 17 po centu de su pil furiat destinau a s'iscola pubblica, in is annus Noranta custu númeru est cabau a su 4,9 po centu po arribbai a su 2,8 po centu de oi.