"Coordinamento Precari Scuola" de Aristanis: "fronti ùnicu" cun Comunus, Provìnzia, sindacaus e totus is traballantis

(IlMinuto) - Casteddu, 11 de su mes''e gennargiu - "Ddoi funt àncora medas umbras (e pagus luxis) po su futuru de su personali e de is iscolas de sa provìnzia de Aristanis". Est custu su giudiziu donau de su "Coordinamento precari della Scuola" de Aristanis a sa fini de is traballus chi ant precediu su "tavolo tecnico". Traballus chi - narat su Cps - ant interessau "totus is amministradoris de is comunus, is dirigentis de totus is iscolas e is sindacaus, cun is atóbius promòvius de is Unionis de is Comunus". De is atóbius est beniu a foras s'abbisóngiu de creai "unu fronti ùnicu" cun is Comunus, sa Provìncia, is traballantis de s'iscola e de is sindacaus, po fai in modu ca "sa Regioni possat giudicai sa situazioni" e po podi duncas oteniri un'esàminu nou de is númerus, "chi no si podint apoderai" po is arraxonis demograficas, usadas po formai is classis.