Assessori Liori: "Eus a torrai a biri sa 162. In su mangianu un'atóbiu cun is associazionis

(IlMinuto) – Casteddu, 26 de su mes''e gennargiu - Sa lei regionali 162 de su 1998 po su finanzaimentu de is pranus de assistu individuali po personas cun handicap gravi at essi modificada. Dd'at annunziau s'assessori regionali de sa "Sanità", Antonello Liori, a sa fin''e s'atóbiu cun is rappresentantis de is associazionis chi traballant in su campu de sa disabilidadi in Sardigna. "Comenti sperau - at nau s'esponenti de sa Giunta regionali - si funt arribbaus unus cantus consillus chi ant pigau in cunsiderazioni is nezzessidadis de sa Regioni, chi no si podit ocupai de distribbuiri su dinai (...). Oi - at spiegau Liori - sa 162 est diventada sa norma de medas situazionis diferentis, chi dd'ant fattu pèrdiri su fini po su cali est nascia". In is cidas passadas s'opposizioni in Consillu regionali e is associazionis iant denunziau is "1000 eurus liaus senz''e cuscénzia" po dognia pranu individuali dispostu de sa Giunta regionali.

Po ndi sciri de prus: http://www.ilminuto.info/ricerca.php?ricerca=162