Tàtari-Terranòa: 162 milionis de eurus no bastant. Cunfirmada s'ocupazioni de s'aereoportu Costa Smeralda

(IlMinuto) – Casteddu, 18 de su mes''e paschixèdda - Is 162 milionis de eurus donaus de su Cipe po costruiri s'istrada Tàtari-Terranòa no bastant a firmai sa protesta. Su Comitau de s'avolotu permanenti cunfirmat cun d'una nota stampa s'ocupazioni de s'aereoportu Costa Smeralda de Terranòa in programma po lùnis chi benit de is 9.30. Is mobilitazionis - si podit liggiri in su documentu - ant a sighiri "finzas a su totali  finanziamentu de s'òpera" e finzas a sa "finidura e a su gosamentu de un'impiantu importanti". In ocasioni de sa protesta de su 21 de su mes''e paschixèdda s'ant a riuníri in su scalu de Terranòa is consillus provinzialis e comunalis de su territoriu interessau po un'assembrea oberta a sa partecipazioni de is sindacaus, de is associazionis de categoria e de cussas de is citadinus.