Sanidadi in is presonis: Caligaris (Sdr), "In Buoncammino si andat innantis 'a pagherò'"

(IlMinuto) - Casteddu, 30 de su mes''e paschixèdda - "In su presoni de Buoncammino sa sanidadi andat innantis 'a pagherò'. Is dottoris, is infirmeris e is tennicus 'a convenzione' sighint a no essi pagaus de su mes''e cabudanni passau, scéti is presoneris poberus arricint is mexinas de 'fascia C', donadas de sa Asl cun s'isperu ca in d'unu modu o in d'un'ateru calincunu paghit totu. Unu fattu drammaticu, puru in is aterus presonis, po is cittadinus senz''e libertadi e in condizionis de saludi gravis, e puru po is operadoris de sa sanidadi chi pagant po primus is mancanzias de su Guvernu". Ddu narat Maria Grazia Caligaris, presidenti de s'associazioni 'Socialismo Diritti Riforme', chi at nau puru ca su 2009 at essi arregordau in Sardigna comenti unu de is annus prus difficilis po is presoneris, no scéti po cussus de Buoncammino, po su númeru tropu artu de presoneris in is institutus, po sa mancànzia de agentis de 'Polizia Penitenziaria', po sa difficultadi de garantiri s'assistenzia a sa saludi".