Presonis: interrogazioni in Consillu regionali, "Ita at fattu sa Giunta po pediri s'arrispetu de sa territorialidadi de sa pena?"

(IlMinuto) – Casteddu, 9 de su mes''e paschixèdda - Ita at fattu sa presidenza de sa Regioni Sardigna po otèniri su trasferimentu de is presoneris sadrus de continenti a sa Sardigna segundu cantu previdiu de sa lei 354 de 1975 e de su protocollu de intesa tra Stadu e Regioni de su 7 de su mes''e fiàrgiu 2007? Est cantu pedit un'interrogazioni presentada in Consillu regionali de su gruppu "Comunisti-Sinistra sarda-Rossomori" (primu firma cussa de Claudia Zuncheddu). De sa cosa si furiat chistianau in su mes''e cabudanni in un'atóbiu estraordinariu de su Consillu regionali. In s'ocasioni su Parlamentu sadru iat aprovau una mozioni chi impignada sa Giunta regionali a pediri a su Stadu s'arrespetu de su critériu de sa territorialidadi de sa pena. Ma finzas a immoi nudda est cambiau. Bruno Bellomonte, po fai un'esémpiu, de sa fin''e su mes''e argiolas est presoneri in Siano, in Calabria. Su testu aprovau ide s'assembrea regionali iat puru pediu a su Guvernu de sa Regioni de "si fai càrrigu de su pesanti stadu de patimentu po mori de s'arruina aundi s'agatant is presonis sadras".