Nucleari: istabbilius is critérius po individuai is logus. Cappellacci arremaciat su própriu "no seguru a is centralis" perou no fait recursu a sa Corti Costituzionali

(IlMinuto) – Casteddu, 23 de su mes''e paschixèdda - Sa torrada de su nucleari est prus acanta: in sa diri de ariseru su Consillu de is Ministrus at difatis aprovau is critérius po individuai is logus aundi ant essi fattas is centralis noas e is critérius po istabbiliri cussas chi benint definiasa "misure compensative" po is territorius chi dda s'ant a aghilliri (fonti: Rassegna.it). "No mi torrat ca nesciunu apat chistionau in nesciunu modu de Sardigna in s'elencu de is logus aundi costruiri is centralis nuclearis", at commentau su presidenti de sa Regioni, Ugo Cappellacci. "A mei no mi torrat chi siat stetiu definiu in manera definitiva su critériu po individuai is logus - at specificau - e torru a arremaciai ca sa nostra posizioni est contra a custa cosa, in sa manera prus totali". Nonostanti custas afirmaduras, arremaciadas finzas a sa nausea, Su Presidenti - a diferénzia de cantu fattu de sa regioni Campania, Laziu, Piemonti, Puglia, Toscana, Calabria, Liguria, Marche, Molise e Basilicata - no at impunnau a facc''e sa Corti Costituzionali sa lei 93 de su 2009, cussa chi previdit sa torrada de su nucleari in Italia.