Virus Ah1n1: Caligaris (Sdr), "De pressi 1000 vaccinus po Buoncammino"

(IlMinuto) - Casteddu, 6 de su mes''e totussantus - "Is condizionis de su presoni de Buoncamminu, cun meda genti e varius presoneris chi suffrint de saludi precaria e "deficit  immunitario" imponint de somministrai de pressi su vaccinu Ah1n1. Est indispensàbili puru po garantiri sa saludi e su traballu de is Agentis de sa "Polizia Penitenziaria", medicus, infirmeris e operadoris". Ddu narat s'ex consillera regionali socialista Maria Grazia Caligaris, presidenti de s'associazioni "Socialismo Diritti Riform", chi fait notai ca "de varias diris est finia s'osservazioni de is nezzessidadis pedia de s''assessorato regionale della Sanità', ma ancora no funt arribaus is vaccinus". "In Buoncamminu, segundu unu càlculu verisìmili - narat Caligaris -
serbint assumancu 1.000 vaccinus. Sa distribuzioni de sa mexina, si castiaus puru a s'andamentu de s'influenzia Ah1n1, iat a permittiri de creai una barriera meda ùtili, si fatta in pagu tempus, po sa saludi de is presoneris e de is agentis. In su presoni de Casteddu ddoi funt 500 presoneris e su propriu tanti de personas chi tenint aterus impiegus.