Vertenza Alcoa: in Civitavecchia manifestazioni po costruiri "unu ponti cun su populu e is traballantis sadrus"

(IlMinuto) – Casteddu, 13 de su mes''e totussantus - Costruiri unu "ponti simbolicu cun su populu e is traballantis sadrus". Cun cust'obbiettivu oi in Civitavecchia (banchina de su Molu Vespucci), a partiri de is 11.00, s'at a tenni una manifestazioni de solidariedadi po sustenni sa vertenza Alcoa: sa multinazionali de s'allumíniu chi amelezzat de serrai is batentis in Sardigna po mori de sa carestia de s'energia elettrica. S'iniziativa, fatta po agiudai is circa 2milla traballantis chi arriscant de perdiri su traballu, est promòvia de s'"Assemblea lavoratori Lazio contro la crisi", cun s'iscopu de "collegai totus is vertenzas de is populus e de is territorius". "Dognia ingiustìzia, dognia postu de traballu liau - scrint is promotoris - in dognia logu est una chistioni nostra".