Sa Regioni bloccat sa stabilizzazioni de is precarius de is comunus e de is provínzias

(IlMinuto) - Casteddu, 5 de su mes''e totussantus - Stop a sa stabilizzazioni de is traballantis precarius de is provínzias e de is comunus de sa Sardigna. "S'ùltima diri po presentai is programmas cuadriennalis po stabilizzai is precarius de is comunus e de is provínzias - si podit liggiri in d'una nota fatta connòsciri de s'Assessorau regionali de is "Enti locali" - est temporaneamenti suspéndia". A bloccai is assunzionis esti stetia sa dezisioni de sa Presidenza de su Consillu de is ministrus de impugnai a facc''e sa Corti costituzionali sa norma po is stabilizzazionis in is entis pubblicus, posta in su "collegato" a sa Finanziaria e approvada de totu su Consillu regionali in su mes''e austu.