Presoni: lezionis suspèndias po is presoneris-istudiantis de Buon Cammino

(IlMinuto) - Casteddu, 18 de su mes''e tottussantus - Un'iscola senz''e continuidadi po is 23 presoneris-istudiantis de Buon Cammino. Ariseru is lezionis funti stetias suspèndias po sa mancanzia de calincunu agenti de custodia. Ddu narat cun d'unu comunicau stampa sa presidenti de s'Associazioni "Socialismo Diritti e Riforme" Maria Grazia Caligaris. "Is guardias effettivas - si podit liggiri in sa nota - no bastant a fai fronti a is medas bisòngius de su presoni. Una cosa chi portat - narat Caligaris - un'incòmodu meda mannu po is presoneris, po is calis s'iscola tenit unu valori importanti. Custu est un'ateru segnali de su bisongiu de agualai su nùmeru de is guardias a is nezzessidadis beras de su presoni casteddaiu, chi suffrit po su nùmeru ispropositau de presoneris.