Prc: precarius "Metropolitana leggera", "21 familias senz''e stipendiu"

(IlMinuto) – Casteddu, 9 de su mes''e totussantus - S'immediatu traballu a tempus inderteminau a is 21 traballantis precarius de sa "Metropolitana leggera" de Casteddu comenti nant is acordus fattus de s'Arst, de sa Regioni Sardigna e de is sindacaus. Est cantu pedit cun d'una nota stampa su responsabbili de su "Dipartimento lavoro, diritti civili e sociali" de sa Federazioni de Casteddu de "Rifondazione comunista" Roberto Loddo. "Su Prc - scririt Loddo - esprimit una preocupazioni manna po sa sorti de is 21 autistas de sa "Metropolitana leggera". No funt bastaus duus annus de traballu precariu. No est bastada sa selezioni pubblica de is traballantis tranvieris chi ant fattu unu cursu boffiu de sa provìnzia de Casteddu, e no est bastau nemancu s'acordu siglau tra is sindacaus, s'Arst e is assessoraus de su "Lavoro e dei Trasporti" de sa Regioni Sardigna chi previdiat sa procedura de stabilizzazioni definitiva a partiri de su 5 de su mes''e totussantus 2009". "Nonostanti is impegnus pigaus - serrat Loddo - sa Regioni, po motivus chi ancora no funt conòscius, forsis causasus de lotas internas po su poderi in sa coalizioni de centrudestra, at dezzidiu de no aplicai cust'acordu lassendi 21 familias senz''e stipendiu".