Partit de su Lazzaretto de Sant'Elia su tretu sadru de sa "Marcia mondiale per la pace e la nonviolenza"

(IlMinuto) – Casteddu, 4 de su mes''e totussantus - Casteddu, Igrèsias, Bilàrtzi, Tàtari, Bortigiadas, Terranòa: funt custas is firmadas sadras de sa "Marcia mondiale per la pace e la nonviolenza". S'iniziativa at a passai in Sardigna de su 5 a su 10 de su mes''e totussantus in cussu chi is organizzadoris definint "Un'attu de valori simbolicu mannu chi coinvolgit a s'unìsonu is sesi continentis, ma puru una cumponenti concreta, fatta de genti, idealis e azionis". Sa marcia est partia su 2 de su mes''e ledaminis de Wellington, in Nuova Zelanda e at a finiri su 2 de su mes''e gennàrgiu de su 2010 a Punta de Vacas, in Argentina. In su tretu sadru de su percursu is promotoris "Ant a pediri a boxi manna de ndi leai is armas nuclearis, sa reduzioni progressiva e proporzionali de is armamentus, su ritiru immediatu de is territorius occupaus, s'impegnu de fai calincuna cosa po risolviri senz''e violenzia is gherras chi ddoi funt in su mundu". Sa giornada de cras at essi dedicada a sa cittadi de Casteddu, cun partenzia a is 15.30 de su Lazzaretto de Sant'Elia. A is 20, in su cineteatru Nanni Loy at a andai in scena s'ispettaculu de Theandric Teatro "Giovanna D'Arco, anche lei oggi sceglierebbe la nonviolenza come strumento di lotta".