Parkinson: cunvegnu in sa "Cittadella" de Pauli po sa Giornada nazionali

(IlMinuto) – Casteddu, 27 de su mes''e totussantus - Cali funt is nezessidadis e is isperus de is personas chi tenint sa maladia de Parkinson? A custa dimanda at a respúndiri cras su presidenti de s'Asampa, Danilo Mancosu, in su cunvegnu ("Cittadella universitaria" de Pauli, 9.00) aprontau po sa primu Giornada nazionali de sa maladia de Parkinson. Ant a portai sa testimonianzia insoru istudiosus, maistus universitarius, amministradoris e maladius de Parkinson. A mangianu ant essi ammostadas puru is operas fattas de is personas chi ant pigau su morbu, maladia neurodegenerativa causada de sa morti progressiva de is neuronis chi s'agatant in cussa chi si lamat "sustanzia niedda", una zona pitica de su cerveddu chi cuntrollat is movimentus de totu su corpus.

Po ndi sciri de prus: www.giornataparkinson.it