Massaria: trattoris in prazza po pediri sa declarazioni de su stadu de crisi

(IlMinuto) - Casteddu, 10 de su mes''e totussantus - Si fait sempiri prus dura sa lota de is massajus e de is pastoris sadrus. Cras a mangianu, in occasioni de su Consillu provinziali obertu a is chistionis de su ramu, is trattoris ant a fai unu presidiu in prazza Palazzo, in Casteddu, a partiri de is 10. Po sa protesta ddoi ant essi - tra is ateras organizzazionis - "Altragricoltura Sardegna", sa "Uilmec Uil" e su "Comitato dei pastori sardi". Is aprontadoris ant a sighiri a pediri a sa Regioni su riconoscimentu de su stadu de crisi po sa massaria sadra, aici comenti ant fattu in Sicilia e in Basilicata in is cidas passadas. "Sa declarazioni de su stadu de crisi po totu sa massaria sadra - si podit ligiri in d'una nota stampa - est sa primu condizioni po pediri a su Guvernu nazionali de pòniri a disposizioni is risorsas nezzessarias po ottèniri is obiettivus scritus in sa declarazioni de su stadu de crisi e, duncas, est interessi de is istituzionis territorialis e de sa Regioni Sardigna fai de totu po dd'ottèniri.