Karate tradizionali: 150 atletas a sa "I Coppa Sardegna" de Maracalagonis

(IlMinuto) – Casteddu, 24 de su mes''e totussantus - Nonostanti sa pagu atenzioni de is media, su Karate sighit a essi unu sport importanti. Domìnigu a mangianu in su tatami de su palazzettu de Maracalagonis si funt agattaus circa 150 atletas po donai vida a sa "I Coppa Sardegna" de Karate tradizionali, organizzada de sa soziedadi Shotokan Karatedo de Maracalagonis. Sa gara - chi at coinvolgiu pipius, piciocus e is giòvanus cun prus de 18 annus - at biu s'adesioni de su Karate club Kanazawa de Cuartu Sant'Alèni de su maistu Alberto Piludu, de su gruppu Ayasa, de su Budokan Cabras, de su Jissen Do, de su Kanazawa Decimoputzu, de su Shotokan Karatedo Cagliari, e de calincunu giòvanu Shotoreigikan arribbau de sa Campania. Tra is numerosas categorias in gara, funt de segnalai is risultaus de su Kata po is mannus (1° Lorenzo Meli, 2° Francesco Marongiu, 3° Massimo Piludu). Importanti est stetia puru sa prestazioni de Alessandro Piludu, primu in su Kata e in su Kumite (categoria 14-17 anni).