Isbarazzamentu de is precarius de su comunu de Casteddu: Prc, "Modus chi arregordant su scuadrismu fascista"

(IlMinuto) - Casteddu, 13 de su mes''e totussantus - "Su fattu ca sa Giunta Floris at mandau, is carabbineris e sa pulizia a isbarazzai su presidiu chi ddoi fiat a foras e a intru de su comunu, est un'azioni scurrégia e po nudda democratica". Cun custus fueddus su Prc donat solidariedadi a is traballantis precarius de su comunu de Casteddu chi funti stetius isbarazzaus cun sa forza in sa notti tra martis e mèrcuris. "Rivindicai su diritu a sa stabilizzazioni - si podit liggiri in su comunicau - no podit essi cunsiderau una culpa. Sa Giunta Floris arrespondit a sa tragédia de su precariau cun modus chi arregordant su scuadrismu fascista".