Irs: 2 millioni a s'annu po s' Ufíciu stampa de sa Giunta regionali. "Is politicus ant essi zerriaus a arrespundi de custa mal'usànzia"

(IlMinuto) – Casteddu, 2 de su mes''e totussantus - "In custas diris, su Consillu regionali at pigau 12 giornalistas po s'ufíciu stampa de sa Giunta. Sa spesa? Circa duus millionis de eurus a s'annu, est a nai circa du 10 po centu de totu su dinai donau po sa Sardigna, de s'Italia, po is òperas mannas". Est cantu narat cun d'una nota Juliu Kerki de s'atóbiu nazionali de s'Irs. "Nesciunu iat liggiu su bandu de su cuncursu - spiegat Kerki - poita su bandu no ddoi esti stetiu: incarrigu diretu grazias a una lei posta in su "collegato" a sa Finanziaria e votada de totus is partis politicas, de destra e de sinistra". "Irs - si podit liggiri in sa nota - cundannat senz''e medas fueddus custu modu clientelari de gestiri is risorsas pubblicas, unu modu chi no fait is interessus de sa colletividadi. Is politicus chi si funt manciendi de custu mal'usànzia ant essi zerriaus a arrespundi politicamenti a facc''e su populu sadru".