Crisi economica: filera de supermecaus ponit in paliu 4 assunzionis a su mesi

(IlMinuto) - Casteddu, 5 de su mes''e totussantus - Sardigna 2009: su traballu no est prus unu dirittu tutelau de sa Costituzioni de sa Repubblica, ma unu prémiu de binci a sa lotteria. Su panorama chi bideus no est custu de unu romanzu de fantascienzia. Sa realidadi in custu casu superat sa fantasia de is scrittoris. De is primus de su mes''e totussantus finzas a su mes''e ledaminis de su 2010 una famosa filera de supermecaus chi s'agatat in Sardigna at a ponni in paliu 4 postus de traballu a su mesi: is bincidoris ant essi pigaus cun cuntrattus de inserimentu de un'annu e ant essi tiraus a sorti tra is clientis chi funt in possessu de is cartellinas donadas de su supermercau dognia 30 eurus de ispesa.