Sardegna It, in perigulu 250 postus de traballu po sa soziedadi "in house" de sa Regioni. Sit in su 26 de su mes''e ledaminis

(IlMinuto) – Casteddu, 14 de su mes''e ledaminis - Nesciuna zertesa po su futuru de is 250 traballantis de "Sardegna It", sa soziedadi "in house" (de propriedadi pubblica) chi amministrat is sistemas informaticus po contu de sa Regioni. In custu momentu is traballantis no ant arricciu nesciuna garanzia in meritu a sa continuidadi de is serbizius de sa soziedadi, nonostanti is continuas sollicitazionis de is sindacaus a sa Giunta regionali (puru ariseru esti stetiu mandau unu scrittu a su presidenti Ugo Cappellacci e a s'assessori de is "Affari generali" Ketty Corona). Esti stetia própriu sa mancànzia de arrespustas chi at spintu Cgil, Cisl e Uil a proclamai unu sit in e unu isciòpiru po su 26 de su mes''e ledaminis.