"Ita eis fattu po firmai S'ecomostru?". Interrogazioni de Claudia Zuncheddu a sa Giunta

(IlMinuto) – Casteddu, 7 de su mes''e ledaminis - Cali provvedimentus funti stetius pigaus de is Assessoris regionalis po impediri sa costruzioni de sa centrali eolica de Is Arenas? Est cantu dimandat un'interrogazioni a su presidenti de sa Regioni e a sa Giunta presentada de is consilleris regionalis de su gruppu "Comunista-'La Sinistra sarda'-Rossomori", primu firma Claudia Zuncheddu. S'interrogazioni pigat attu de sa contrariedadi a sa costruzioni de sa centrali esprimia de sa Regioni, ma, dimandat puru ita siat stetiu fattu de concretu po bloccai sa costruzioni de s'ecomostru. "Sa realizzazioni de una centrali eolica off shore in su mari po casi 22milla ettarus - precisat su documentu - po meda tempus podit fai sì ca s'usu pubblicu de su mari siat proibiu po sa pisca e sa navigazioni, cun damnus meda grais po sa collettividadi".