"Uno sguardo normale", de lùnis in Casteddu sa rassegna cinematografica glbt organizzada de s'Arc

(IlMinuto) – Casteddu, 25 de su mes''e cabudanni - "Uno sguardo normale": est custu su titulu de sa rassegna cinematografica glbt  (gay, lesbica, bisessuali e transgender) in programma in su cineteatru Nanni Loy de s'Ersu, in Casteddu, de su 28 de su mes''e cabudanni a su 3 de su mes''e ledaminis. Sa manifestazioni - aprontada de s'associazioni studentesca Arc - previdit sa proiezioni de is film tematicus, unu a sa diri, e sa presentazioni de su liburu "Buoni genitori" de Chiara Lalli. "Àncora de prus ocannu, annu chi bidit s'Italia - narant is organizzadoris in d'una nota - signada tragicamenti de azionis violentas e inzivilis contra a is omosessualis e a is transgender (...), Arc tenit su bisòngiu de si mobilitai contra a cust'inasprimentu de s'omofobia in Italia". Sa rassegna s'at a oberri lùnis cun su film de "Il primo giorno d'inverno" de Mirko Locatelli, proietau po sa primu borta in Casteddu.

Po consultai totu su programma: www.associazionearc.eu