Pd: Barracciu, "Sa Giunta Cappellacci cuat prus a longu possíbbili is atus de s'amministrazioni sua"

(IlMinuto) - Casteddu, 1 de su mes''e cabudanni - "Poita no funt ancora in su situ de sa Regioni is delíbberas aprovadas su 27 de su mes''e austu?". Ddu dimandat cun d'unu comunicau stampa sa consillera regionali e candidada a sa segreteria de su Partito Democratico Francesca Barracciu. "Su cumportamentu de sa Presidenza - narat s'esponenti democratica - chi cuat su prus possíbbili e prus a longu possíbbili is atus de s'amministrazioni, sa cosa si fait sempiri prus crítica". "Si cunfrontau cun sa claresa chi at regnau in is  annus de sa Giunta Soru - finit sa Barracciu - seu a facc''e unu cambiamentu perigulosu chi no tenit nesciuna giustificazioni". A oi in su situ de sa Regioni si podint consultai is títulus de is delíbberas aprovadas su 27 de su mes''e austu e una presentada, ma no is testus de cussas'e totu.