Nucleari: Palomba (Idv), "Cappellacci impunnit sa lei 99 a facc''e sa Corti costituzionali". Aici comenti ant a fai is presidentis de seti regionis

(IlMinuto) – Casteddu, 24 de su mes''e cabudanni - Laziu, Umbria, Calabria, Liguria, Piemonti, Toscana e Emilia Romagna: funt giai seti is regionis chi ant decidiu de impunnai a facc''e sa Corti costituzionali sa lei 99 de su 23 de su mes''e argiolas, cussa chi torrat a introdùsiri su nucleari in Italia. In is diris passadas su parlamentari de s'Italia dei Valori, Federico Palomba, at sollicitau cun d'una lítera oberta a su presidenti de Regioni Sardigna, Ugo Cappellacci, po essi coerenti cun sa posizioni contra a sa costruzioni de is centralis e de is depositus de ferrinas in s'Isola e po fai comenti is aterus seti guvernadoris: "Confirmendi totus is irresoluzionis chi tengu - at scrittu Palomba - in meritu a is scioberus operativus chi su guvernu iat ai depiu giai fai - at scrittu su cordinadori regionali de s'Idv - cunfidu, onerevoli presidenti, ca fustei iat bolli valutai positivamenti su bisòngiu de impunnai a facc''e sa Corti costituzionali sa lei 99 de su 2009". Su presidenti de sa Regioni a oi tenit pagu diris po riflètiri: su termini ùltimu po impunnai sa lei "de isviluppu" est su 30 de su mes''e cabudanni.