Master and Back: su movimentu sighit a pediri tempus segurus po sa pubblicazionis de is bandus: sit in in viale Trento

(IlMinuto) – Casteddu, 28 de su mes''e cabudanni -  Parrint tirai ancora a longu is tempus po sa pubblicazioni de is bandus 2009 po is tirocinantis e is back de su progettu Master and Back. Custu mangianu una delegazioni de su movimentu  Master and Back - chi si fait carrigu de is malumoris de totus is personas chi bollint partecipai a su progettu - s'est donada apuntamentu a is 11.00, a facc''e sa sedi de sa Regioni in viale Trento, po pediri ancora una borta a sa Giunta tempus segurus po sa pubblicazioni de is avvisus pubblicus nous po is tirocinius e is back, a pustis de sa pubblicazioni, in su mes''e làmpadas, de su primu de is bandus de su programma, cussu po s'"Alta formazione". Tra is manifestantis ddoi est chi, comenti Mauro Massa, 28 anni, aspettat cun ansia sa pubblicazioni de is bandus po is tirocinius: tenit accordus cun s'Universidadi de su Belgiu po participai a unu stage po imparai a insegnai s'italianu a is furisteris. Aterus, comenti Federico Deidda - chi aspettat su segundu bandu po s'"Alta formazione" - ant a depi anticipai cun su dinai insoru totus is ispesas nezzessarias po participai a unu cursu: in su casu de Deidda unu master chi istudiat is Energias Rinnovabilis aprontau de su Politecnico de Milano. Su movimentu M&B pedit chi sa Regioni seghit su silenziu e donit de pressi garanzias po una pubblicazioni de is bandus. "A sa fin''e mes''e austu - spiegat Massa - S'"Agenzia per il Lavoro" donàt po segura sa pubblicazioni de su bandu po is tirocinius e po su back intru metadi de su mes''e cabudanni. Immoi funti stetius suspendius puru is serbizius informativus".