Master and Back: nesciunu segnali po is bandus de is "Tirocini" e de is "Percorsi di rientro". S'"Agenzia del Lavoro" suspendit is serbizius informativus

(IlMinuto) – Casteddu, 16 de su mes''e cabudanni - "Po is 'Tirocini' e 'Percorsi di rientro' at a occurriri calincuna diri in prus (n.d.r si cunfruntau cun sa pubblicazioni de su bandu Master and back 2009 po s''Alta formazione')". Funt passaus prus de duus mesis de sa pubblicazioni de su bandu po s'"Alta formazione, ma - a dispettu de s'annùnziu fattu a sa fin'e su mes''e làmpadas in su situ istituzionali de sa Regioni - de is avvisus pubblicus po is "Tirocini" e po is "Percorsi di rientro" a oi no ddoi funt notizias. Naraus de prus, a partiri de oi s'"Agenzia Regionale del Lavoro" at suspendiu is serbizius informativus dedicaus a su progettu: "Informaus is utentis - si podit liggiri in su situ www.regionesardegna.it - ca is serbizius informativus disponìbilis attressu su nùmeru birdi e su sportellu dedicau a su Programma Master and Back funt finius su 15 de su mes''e cabudanni 2009, impari a sa serradura de is terminis po sa presentazioni de sa domanda de partecipazioni a s'avvisu 2009 - "Alta formazione". Custus serbizius ant essi torra attivus cun sa pubblicazioni de is prossimus avvisus de ocannu". Candu?