Massaria: in su 2010 liberu scambiu tra is istadus de su Mediterraneu

(IlMinuto) - Casteddu, 21 de su mes''e cabudanni - "Po tutelai s'agru-alimentari italianu de su "Mezzogiorno", chi totu su mundu s'invidiat, serbint prus prodotus doc e un'aumentu de is consumus aintru de is produzionis nostras". Est custa sa rezzetta de s'assessori regionali de s'"Agricoltura", Andrea Prato, po fai torrai a chistionai de massaria in is regionis meridionalis de s'Italia. Sa proposta esti stetia presentada in is diris passadas in sa "Fiera del Levante" de Bari in ocasioni de su convegnu po su liberu scambiu de su Mediterraneu, aundi ant participau is assessoris de totu is regionis meridionalis. "In su 2010 - at ispiegau Prato - s'at a obèrriri uffizialmenti su liberu scambiu tra is Istadus, particolarmenti cussus extraeuropeus, chi funt in su Mediterraneu: at essi siguramenti un'opportunidadi, puru si est nezzessariu traballai de subitu po creai is giustas politicas de sustegnu po s'economia nostra e is produzionis nostras".