Massaria: "Consillus comunali obertus" asuta de is porticus de via Roma

(IlMinuto) – Casteddu, 24 de su mes''e cabudanni - Custumerì is porticus de via Roma, in Casteddu, s'ant a trasformai in d'un'aula de consillu: numerosus funt is amministradoris localis chi ant a partecipai a is "Consillus comunalis obertus" convocaus de is comitaus de is massajus e de is pastoris a facc''e s'assemblea legislativa de sa Sardigna. Is manifestantis ant a propòniri a is consilleris de condividi su documentu "de sa crisi de is aziendas sadras, is responsabbilidadis de sa politica europea, nazionali e regionali, e is propostas po bessiri de custa crisi". Documentu, custu, chi cras at essi cunsignau a sa Commisaria europea Mariann Fishler Boel, chi s'agat in Sardigna.